Së shpejti …

kvbuntu — Wed, 27 May 2009 23:53:22 +0000

Së shpejti “Struktura e direktorive në Linux” dhe “Si te instalojme MS Office 2007 ne Ubuntu”.

Posted in Uncategorized

Si të instalojmë Ubuntu-në

kvbuntu — Sat, 16 May 2009 09:08:05 +0000

Në postimin e parë përmenda se Ubuntu mund të instalohet për më pak se 25 minuta. Këtë fakt ju ftoj ta provoni vetë. Por, para se të fillojmë

me instalimin e sistemit, dua t’ju kujtoj se, përveç instalimit normal si sistem parësor, Ubuntu mund të instalohet edhe brenda Windows-it,

pa dryshuar asgjë nga instalimi i Windows-it. Por sot dëshiroj t’ju tregoj hap pas hapi se si mund ta instalojmë Ubuntu-në si sistem parësor.

Versioni i fundit i Ubuntu-së është Ubuntu 9.04, i njohur ndryshe si Jaunty Jackalope. Për të shkarkuar Jaunty-n ne format .iso klikoni këtu.

Pasi të keni shkarkuar imazhin duhet ta shkruani atë në një CD, me të cilën duket të nisni kompjuterin tuaj.

KUJDES!!! Kjo procedurë fshin gjithcka që kishit më parë në kompjuterin tuaj.

Pasi kompjuteri juaj nis ju duhet të shihni një pamje të tillë ku duhet të zgjidhni gjuhën dhe më pas shtypni Enter.

Në postimin e parë përmenda se Ubuntu mund të instalohet për më pak se 25 minuta. Këtë fakt ju ftoj ta provoni vetë. Por, para se të fillojmë me instalimin e sistemit, dua t’ju kujtoj se, përveç instalimit normal si sistem parësor, Ubuntu mund të instalohet edhe brenda Windows-it, pa dryshuar asgjë nga instalimi i Windows-it. Por sot dëshiroj t’ju tregoj hap pas hapi se si mund ta instalojmë Ubuntu-në si sistem parësor.

Versioni i fundit i Ubuntu-së është Ubuntu 9.04, i njohur ndryshe si Jaunty Jackalope. Për të shkarkuar Jaunty-n ne format .iso klikoni këtu.

Pasi të keni shkarkuar imazhin duhet ta shkruani atë në një CD, me të cilën duket të nisni kompjuterin tuaj.

KUJDES!!! Kjo procedurë fshin gjithcka që kishit më parë në kompjuterin tuaj.

Pasi kompjuteri juaj nis ju duhet të shihni një pamje të tillë ku duhet të zgjidhni gjuhën dhe më pas shtypni Enter.

Më pas zgjidhni “Install Ubuntu” – “Instaloni Ubuntu-në” dhe shtypni Enter.

Këtu fillon instalimi i Jaunty-t.

Me të filluar instalimi ju kërkohet të zgjidhni gjuhën për proçesin e instalimit dhe më pas shtypni Forward.

Zgjidhni kontinentin dhe qytetin. Unë kam zgjedhur Europën dhe Tiranën (Kuçova nuk është) dhe klikoni Foward.

Në pamjen tjetër do t’ju kërkohet të zgjidhni konfigurimin e tastierës suaj.

Në krye ju jepen dy opsione:

Suggested option: USA (Nëse ky opsion është i përzgjedhur që në fillim, atëherë klikoni Forward.)

Choose your own: (Në këtë rast, në fund të ekranit në kutinë poshtë “You can type into this to test your new keyboard layout”, shkruani sekuencën e shkronjave QWERTY dhe më pas klikoni Forward. Unë kam përdorur opsionin e dytë pasi mund të ketë persona të cilët dëshirojnë të përdorin tastiera të konfiguruara në gjuhë të tjera.

Pamja që vijon do t’ju shfaqë harddiskun/harddisqet që ndodhen në njesinë tuaj. Këtu duhet të krijoni një apo më shumë particione. Në këtë rast Ubuntu po instalohet në VirtualBox si makinë virtuale dhe për këtë arsye do të krijoj një particion të vetëm duke përdorur opsionin “Use the entire disk”. Pasi keni krijuar particionin/particionet klikoni Forward.

Më pas duhet të krijoni një emër përdoruesi, fjalëkalim dhe emrin e kompjuterit. Këtu ju jepet edhe mundësia për të hyrë në kompjuter automatikisht apo me një fjalëkalim. Dhe vijoni me Forward.

Nëse më sipër keni vendosur një fjalëkalim më të shkurtër se tetë shkronja apo numra do t’ju shfaqet një lajmërim i cili ju kërkon të vendosni një fjalëkalim të ri “Choose another passwod” apo të vazhdoni “Continue”.

Në rastin tonë duhet të përdorim një fjalëkalim për të përdorur kompjuterin dhe kemi vazhduar me një fjalekalim me 4 gërma.

Pas kësaj do t’ju shfaqet një përmbledhje e informacionit të sistemit që do të instalohet.

Për të ndryshuar ndonjë informacion klikoni Back ose klikoni Install për të filluar instalimin e sistemit.

Më pas fillon formatimi i particionit/particioneve i cili vijon automatikisht me instalimin e sistemit i cili vazhdon për rreth 20 minuta.

Me të mbaruar instalimi i sistemit ju kërkohet ristartimi i kompjuterit tuaj. Klikoni mbi Restart.

Me të rinisur sistemi do t’ju shfaqet një pamje e tillë dhe më pas do t’ ju kërkohet emri i përdoruesit dhe fjalëkalimi.

Dhe më pas do të shfaqet pamja fillestare e desktopit tuaj.

Nuk ishte e vështirë, apo jo???

Posted in Linux, Ubuntu Tagged: 32 bit, instalo, kucova, Linux, shqip, Ubuntu

Ç’është Ubuntu

kvbuntu — Fri, 15 May 2009 09:54:01 +0000

Ubuntu është një sistem operativ Linux, perfekt për laptopë, desktopë dhe servera. Ubuntu mund t’ju vijë në ndihmë në shtëpitë tuaja, shkollë apo punë. Në këtë sistem do të gjeni të gjitha programet që mund t’ju nevojiten, që nga përpunuesit e teksteve, programet e postës elektronike e deri te programet e serverave web apo mjetet e programimit.
Ubuntu është dhe do të mbetet gjithnjë falas. Pra nuk do t’ju duhet të paguani asnjë kacidhe për ndonjë liçensë. Ju mund ta shkarkoni, përdorni dhe shperndani Ubuntu-në me miqtë tuaj apo edhe ta përdorni në shkollë apo biznesin tuaj.

Ubuntu del me një version të ri çdo 6 muaj, gjë e cila ju mundëson pajisjen me një mori programesh, më të fundit që bota e Open Source-it ju ofron.
Ajo që e bën Ubuntu-në tërheqëse dhe të thjeshtë nderfaqja grafike, si ajo e instalimit ashtu edhe ajo e përdoruesit, e cila është shumë e lehtë për t’u përdorur nga të gjithë. Një instalim i zakonshëm mund te zgjasë më pak se 25 minuta.
Për të shkarkuar apo porositur në CD versionin e fundit të Ubuntu klikoni këtu.

Posted in Linux, Ubuntu Tagged: Linux, shqip, Ubuntu

KVBUNTU

Së shpejti …

Si të instalojmë Ubuntu-në

Ç’është Ubuntu